TRADIZIONI POPOLARI DELLA SETTIMANA SANTA - Le Poesie

POESIA RECITATA nel quartiere canale

Cristu ca nell’urtu fu pigliatu Ca di un discepulu sulu fu tradutu Lu tradimintu s’avia priparatu Giuda ppi trenta dinari si l’avia vinnutu   Ca pi lu figliu di Diu fu sdiniatu Ca pi lu cuddru l’attacca un Giudeu E Gesù Cristu a sangu sudatu L’hannu purtatu a casa di Pilatu                  Sittinzia di morti ciannu datu Caifas e d’ Arai eranu assitati Ca di nna foglia di carta hannu Srivutu. La cunnanna ci detti Pilatu E va a la mortri lu figliu di Diu E va a la morti lu pi un peccatu miu Ca di la so Santa Mamma fu alluntanatu Lu nustru amuri è lu figliu di Diu La cruci n’cuddru già si la brazzava La pleba decisa E tutti quei ebrei facivanu guerra. N’cuddru tiniva nna cruna di catina sperra Morti cchiù chi masciddrata mi detti Un Giudeu La vuccuzza a sangu m’abbunnaiu- Ca pi un tali Simuni Cireneu La cruci nterra e lu Cristu aiutava   Prisenti si trova lu Cinturiuni  La truppa apprissu la plebi davanti,  l’Ebrei annigliavanu lu suli Maria va chiancinnu ccu lacrimi e chianti   La Veronica si nni pintì di lu so errori Lu veli si livà amminzu di tanti Pi stuiari la facci alu Signori La facci mbinjta di stu muccaturi Quantu sospetti sti carniliari Semila e sessanta li battitura Stanchi ca nun si puttiru saziari Ca l’hannu attaccatu cu cordi e lanci. E ddra minzu la via è Cristu Ca piglia la terza caduta La facci ccu la terra ‘mpiccicata E nun ce nessun riparu E san Giuanni ca parra ccu Diu E dici:”O Patri miu, chi spranza avimmu, la cruci nterra ca nchiovanu a Diu   cu chiova e martiddru. Ora va cadinnu Ora nun parru cchiù, mutu mi staiu Viva la misericordia di Diu” AUTORE SCONOSCIUTO

 ----------------------------------------------------------------------------------

Poesia Recitata  in via Vittorio Veneto

Sarbaturi di nomi si chiamava

 e 'ddra so matri 'ppi truvallu 'nquattru si faciva,

 'ppi capiri unna lu so figliu iera ammucciatu

 "ma unna iera misu stu distinu sbinturatu"?

Pena faciva 'ddra fimmina addulurata

 ca 'ppi daveru di la scarogna fù pigliata,

 ccu iddra c’era San Giuanni ca l'aiutava

 e chiddru ca putiva fari lu faciva.

Strati e curtiglia ivanu firriiannu

 e Maria ca a la genti iva spiannu:

"l’aviti vistu a ma figliu"? diceva

 e nuddru ca notizzi cci ni dava.

Ma San Giuanni giustu vitti di luntanu

na pirsuna e tanti genti vicinu,

Gesù Cristu iera stancu e affamatu

dopu ca li guardii l'avianu frustatu.

Curri San Giuanni, unn'aspittari

Maria unn’avi cchiù a ccu addumannari

'mprestaci lu sciatu 'ppi

arrivari a lu cuspettu di Santu Sarbaturi.

Na donna si fa largu amminzu a la genti

"oh mamma mia chi cci passa ppi la menti?

  

nmanu tinìa strittu un muccaturi

ppi stuiarici la facci a lu Signuri",

a la Vironica mi rifirisciu "oh cari genti"

chiddra ca si pintì di lu sò erruri

e si vosi livari s’ammilinatu

denti ppi mustrarici affettu a lu Signuri.

Na cruna ccu tanti spini cci chiantaru

pisanti cci vinìa lu tirrenu

e ddri guardii cumannati di Pilatu

fina a la cruci l'anu accumpagnatu.

Na fuddra di genti l'aspittatu

forsi ppi darici l'urtimu salutu

Cristu ca pi lu munnu fu disìatu

amminsu a du ladruna fù mintutu.

La genti ancora nun l’avìa caputu

Cristu ppi nuatri avìa murutu

di lu piccatu originali n’avìa sarbatu

Cristu ppi amuri fù ammazzatu.

Ma dopu tri iorna ha risuscitatu

e a tutti ccu la vucca aperta ha

lassatu si nn’acchianà 'ncilu di lu Patri

eternu ppi mannari a la genti amuri fraternu.

AUTORE: MICHELE MAROTTA

- Testo tratto da Tradizioni popolari Riesine.